Ríomhaireacht Ghaelach agus Comhairleoireacht Teangan

Is anso atá tú: Lch Tosaigh
A  A  English

Fáilte!

Is comhlacht teangan é Fios Feasa atá lonnaithe i gcroílár na Gaeltachta. Soláthraíonn an comhlacht earraí ilmheánacha agus seirbhísí comhairleoireachta teangan.

Bunaíodh i 1997 é chun earraí ilmheánacha a fhoilsiú a chuirfeadh cultúr agus teanga ársa na hÉireann i láthair leis an dteicneolaíocht is rí-dhéanaí. Ó shin i leith, tá cáil agus clú saothraithe ag Fios Feasa as feabhas a chuid earraí agus seirbhísí.

 


Crannchur na Míosa
 

Comhghairdeachas le Mícheál Mac Mathúna, a bhuaigh an crannchur do mhí na Samhna, cóip den CD-ROM Amhrán is Fiche don Nollaig.

Do mhí na Nollag, tá crannchur mór againn, faoi mar a bhíonn gach bliain. Beidh an t-ádh dearg le duine amháin, a bhuafaidh an Cnuasach Iomlán d'earraí Fhios Feasa go léir, SAOR i nAISCE. Ina theannta sin, beidh triúr eile a bhuafaidh cóip an duine den CD-ROM Amhrán is Fiche don Nollaig, arís, SAOR i nAISCE. Beidh an crannchur seo á dhúnadh i lár an lae am na hÉireann ar an Luan, 22 Nollaig.

Cliceáil anseo chun cur isteach ar an gcrannchur; ní gá dhuit aon rud a cheannach chuige!

 

Tairiscint Speisialta na Míosa
 

Do mhí na Nollag, tá tairiscint an-speisialta againn: tá an TRÍÚ CUID bainte de phraghas GACH CD-ROM dá bhfuil foilsithe againn, agus tá an leabhar saothair An Chéad Choiscéim san áireamh. (Faraoir, níl na leagnacha den Bhíobla, An Bíobla Naofa ar CD-ROM An Bíobla Póca, istigh san áireamh, mar nach sinn-ne a fhoilsigh.) Chun leas a bhaint as na tairiscintí speisialta seo, níl le déanamh agat ach dul go dtí leathanach na n-earraí atá uait agus iad a ordú sa ghnáth-shlí; cuirfear an lascaine i bhfeidhm as féin.

Tá liosta earraí an tí go léir ar fáil anseo.

Ina theannta sin, tá tairiscint speisialta againn ar an gCnuasach Iomlán d'earraí Fhios Feasa. Ceannaigh i dteannta a chéile iad agus bídís AR LEATH-PHRAGHAS agat! Sin 12 CD-ROM, móide an leabhar saothair don Chéad Choiscéim, luach €390 ar fáil ar €195 (móide postas agus pacála).

Cliceáil anseo chun teacht ar a thuilleadh eolais, nó chun an tairiscint speisialta seo a ordú.

 

 


Cuid de na hearraí seo againn-ne


Is leagan leictreonach é seo den Bhíobla Naofa, faoi mar a chuir An Sagart i gcló é

An Bíobla Naofa

Is pacáiste dhá CD-ROM de chluichí léitheoireachta do na blianta tosaigh é Boghaisín na bhFocal.

Boghaisín na bhFocal

CD-ROM dátheangach ilmheánach de Thíreolaíocht na hÉireann.

Tíreolaíocht le Cormac agus Órla